Не отврати лица Твоего

Мужской хор Московского ставропигиального Свято-Данилова монастыря Регент – Георгий Сафонов Канонарх: Архидиакон Роман (Тамберг) Возгласы: Ирхимандрит Лука (Пинаев) Звонарь: Игорь Коновалов Солисты трио: Дмитрий Иванов – баритон Платон Греков – тенор Роман Лаптев – тенор Прокимен великий. «Не отврати лица Твоего». Напев Троице-Сергиевой Лавры (1.32) Звон великопостный (0.48) Канон преподобного Андрея Критского (11.51) Ирмосы Катавасия. Бортнянский С нами Бог. Гарм. архимандр. Матфея (Мормыля) (5.28) Покаянные тропари. Гарм. архимандр. Матфея (Мормыля) (2.45) Господи сил, с нами буди. Гарм. архимандр. Матфея (Мормыля) (7.36) Ектения великопостная. Гарм. архимандр. Матфея (Мормыля) (2.16) Звон полиелейный (0.34) Хвалите имя Господне. Иеромонах Нафанаил (3.21) На реках Вавилонских (4.47) Покаяния отверзи ми двери, глас 8. Напев Зосимовой пустыни (3.37) Стихиры на «Господи воззвах». Глас 1. Гарм. Кастальского (3.33) Свете тихий (строчное) (2.22) Да исправится молитва моя. Гарм. архидиакона Романа (Тамберга) (5.26) Ныне силы небесныя (строчное) (4.52) Вкусите и видите. Распев монастыря Супрасаль, XVI в. (2.26) Звон праздничный (0.55) Благословен Бог наш всегда, ныне и присно и во веки веков, Аминь Песнь 1, глас 6 Ирмос: Помощник и Покровитель бысть мне во спасение, Сей мой Бог, и прославлю Его, Бог отца моего, и вознесу Его, славно бо прославися. Запев: Помилуй мя, Боже, помилуй мя. Откуду начну плакати окаяннаго моего жития деяний? Кое ли положу начало Христе, нынешнему рыданию? Но яко благоутробен, даждь ми прегрешений оставление. Гряди окаянная душе, с плотию твоею, Зиждителю всех исповеждься, и останися прочее преждняго безсловесия, и принеси Богу в покаянии слезы. Первозданнаго Адама преступлению поревновав, познах себе обнажена от Бога и присносущнаго Царствия и сладости, грех ради моих. Увы мне окаянная душе, что уподобилася еси первей Еве? Видела бо еси зле, и уязвилася еси горце, и коснулася еси древа, и вкусила еси дерзостно безсловесныя снеди. Вместо Евы чувственныя, мысленная ми бысть Ева, во плоти страстный помысл, показуяй сладкая, и вкушаяй присно горькаго напоения. Достойно из Едема изгнан бысть, яко не сохранив едину Твою, Спасе, заповедь Адам; аз же что постражду, отметая всегда животная Твоя словеса? Слава Отцу и Сыну и Святому Духу Троичен: Пресущная Троице, во Единице покланяемая, возми бремя от мене тяжкое греховное, и яко благоутробна, даждь ми слезы умиления. И ныне и присно и во веки веков, Аминь Богородичен: Богородице, Надежде и Предстательство Тебе поющих, возми бремя от мене тяжкое греховное, и яко Владычица Чистая, кающася приими мя. Песнь 6 – Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой. Песнь 7– Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам; но не предаждь нас до конца, отцев Боже. Песнь 9 Ум острупися, тело оболезнися, недугует дух, слово изнеможе, житие умертвися, конец при дверех. Темже, моя окаянная душе, что сотвориши, егда приидет Судия испытати твоя? Моисеово приведох ти душе миробытие, и от того все Заветное Писание, поведающее тебе праведныя и неправедныя; от нихже вторыя, о душе, подражала еси, а не первыя, в Бога согрешивши. Закон изнеможе, празднует Евангелие, Писание же все в тебе небрежено бысть, пророцы изнемогоша, и все праведное слово; струпи твои, о душе, умножишася, не сущу врачу исцеляющему тя. Новаго привожду ти Писания указания, вводящая тя душе ко умилению; праведным убо поревнуй, грешных же отвращайся, и умилостиви Христа молитвами же и пощеньми, и чистотою, и говением. Христос вочеловечися, призвав к покаянию разбойники, и блудницы; душе покайся, дверь отверзеся Царствия уже, и предвосхищают е фарисее и мытари, и прелюбодеи кающиися. Христос волхвы спасе, пастыри созва, младенец множества показа мученики, старцы прослави, и старыя вдовицы, ихже не поревновала еси душе, ни деянием, ни житию, но горе тебе, внегда будеши судитися. Постився Господь дний четыредесять в пустыни, последи взалка, показуя человеческое; душе, да не разленишися, аще тебе приложится враг, молитвою же и постом от ног твоих да отразится. Слава Отцу и Сыну и Святому Духу Троичен: Отца прославим, Сына превознесем, Божественному Духу верно поклонимся, Троице Нераздельней, Единице по существу, яко Свету, и Светом, и Животу, и Животом, животворящему, и просвещающему концы. И ныне и присно и во веки веков, Аминь Богородичен: Град Твой сохраняй, Богородительнице Пречистая, в Тебе бо сей верно царствуяй, в Тебе и утверждается, и Тобою побеждаяй, побеждает всякое искушение, и пленяет ратники, и проходит послушание Преподобне отче Андрее, моли Бога о нас Андрее честный и отче треблаженнейший, пастырю Критский, не престай моляся о воспевающих тя, да избавимся вси гнева и скорби, и тления, и прегрешений безмерных, чтущии твою память верно. Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем

Религиозные тексты